á eg að byrja aftur að blogga???

Ég hef verið spurð að því hvort ég ætli ekki að byrja aftur að blogga en ég veit ekki hvort ég nenni því. Ekkert gerist hvort sem er hjá mér nema að Brynja sis spyr hvort ég sé ekki að fara að blogga eða hvort ég sé búin að lesa bloggið hennar. Aron spyr hvort ég eigi virkilega bloggsíðu þar sem hann slysaðist inn á hana í tölvutíma um daginn (svo að það er bannað að vera með dónaskap hér). Óskar hefur ekki verið nettengdur í nokkrar vikur og þar fyrir utan var hann örugglega hættur að athuga hjá mér bloggið.

Annars hefur lítið gerst síðan ég bloggaði síðast. Ég er ennþá að vinna í sérdeild Síðuskóla, ég bý á sama stað að vísu komin á nýjan bíl síðan síðast. Búin að selja fellihýsið sem ég keypti og fékk hjólhýsi í staðinn. Hef ekki fjölgað mannkyninu og sem betur fer ekki fækkað því heldur.

Annars læt ég þetta duga í bili og sé svo til hvort ég komi til með að blogga aftur síðar.

Loksins

Jæja þá er nú best að setjast við skriftir til að láta vita hvað hefur gerst hjá mér síðan ég bloggaði síðast.

hmmm við fórum auðvitað í sumarbústaðinn sem var yndislegt þrátt fyrir að veðrið hefði mátt vera betra og eins má segja um ættarmótið. Á ættarmótinu var greinilegt hvaða fólk hafði mesta úthaldið og er því verið að spá í að afkomendur afa og ömmu ættu að hittast einu sinni á ári þarna á tjaldsvæðinu og styð ég þá tillögu heils hugar.

Við höfum farið í all nokkrar útilegur síðan og allar í Sigríðarstaði þar sem þar er lang best að vera. Við keyptum okkur nefnilega fellihýsi í sumar og geymum við það fyrir austan þar sem ég treysti mér ekki að keyra með það yfir Víkurskarðið og þar sem Siddi er farinn á sjóinn þá var fínt fyrir mig að þurfa ekkert nema að tjalda því þegar við fórum austur um verslunarmannahelgina.

Nú annað er það að segja að ég er loksins að fara að vinna eftir þriggja ára háskólanám og hlakkar mig mjög svo til að byrja (ég held að stressið komi síðar).

Ég er því að spá í að fara til Grenivíkur og verða þar um helgina svo ég geti kannski örlítið slappað af áður en herlegheitin byrja því undirbúningur fyrir kennslu þessa veturs hefst á mánudaginn.

BÍB (bless í bili)

loksins friður

Jæja núna er ég orðin þrítug, búin að gifta mig og svo útskrifast.
Allt byrjaði þetta rólega með afmælið mitt því ég var fárveik og þurfti Brynja systir að redda veislunni að mestu leyti (takk kærlega Brynja mín). Veislan tókst þó ágætlega og náði ég að halda mér vakandi á meðan gestirnir voru.
Brúðkaupið var stórkostlegt nema að einu leyti. Þegar ég var sótt áttaði ég mig á því að ég gleymdi brúðarvendinum hjá ömmu hans Sidda (þar var mitt athvarf fram að athöfninni) og var hann því læstur inni. Við brunuðum því upp í kirkju til að fá lykla af húsinu og fengu allir gestirnir vægt fyrir hjartað þegar amma hans Sidda strunsaði fram og til baka með lyklana. Þegar vöndurinn komst loks í hús þurfti hann Addi minn að bregða sér á snyrtinguna en með öllu þessu klúðri tafðist athöfnin örugglega um 15. mín en Sr. Svavar sagði að metið væri víst 40. mín svo ég var í góðum málum.
Útskitfin var helgina þar á eftir og ákvað ég að hafa enga veislu enda höfðu vinir og ættingjar fengið tvær áður. Mamma bauð okkur í staðin út að borða og allt var það í lagi.
Á morgun er ég svo að fara í sumarbústað að Illugastöðum og fyrir þá sem vilja gleðja okkur með nærveru sinni verðum við í bústað númer 9 og endilega að koma með sundfatnað þar sem nýlega er búið að setja niður heitan pott á sólpallinn.
Helgina þar á eftir fer ég svo á ættarmót svo vonandi hef ég frá einhverju skemmtilegu að segja næst.
Því miður kann ég ekki að setja myndir inn á þessa síðu því annars hefði ég getað sett inn myndir úr brúðkaupinu.

Takk í bili

It is happening

Ég er þó ekki að meina brúðkaupið í þetta skiptið heldur stóra daginn næstkomandi sunnudag en þá verður hin síunga ég þrítug vááá hvað það var stutt síðan ég var tvítug það er eins og það hafi gerst í gær (ég man þó lítið eftir afmælinu mínu þá). Jæja hvað með það ég ákvað að hafa smá kaffi fyrir gesti og gangandi ef einhverjir kæmu til að fagna þessum áfanga með mér eða þá til að votta samúð. hehehe. Vikuna eftir er svo stóri dagurinn og er allt að verða tilbúið fyrir hann.
Laugardaginn þar á eftir er svo útskirftin en ég kaus að halda ekki veislu þá því tvær veislur eru alveg nóg fyrir mig. Eftir allt þetta ætla ég svo að fara í sumarbústað með fjölskyldunni til að slappa af eftir annríkið og þá dugar ekkert minna en þingeyskt fjallaloft til að hlaða batteríin. Um leið og við komum úr bústaðnum er haldið í Ljósavatnsskarð (nánar tiltekið í Sigríðarstaði) á ættarmót. ÚFFFFF hvernig ætli að það sé að vera í sumarfríi. Fyrir utan þetta ætla ég svo að vera með son vinkonu minnar í sumar þ.e. þegar hún er ekki í sumarfríi. Þetta verður örugglega allt fínt ég næ þá bara að slappa af í jólafríinu......hehehehe
Endilega að kíkja við á sunnudaginn ég er búin að vera svo dugleg að baka og ekki hætt enn.

Eg er buin

Vá hvað er langt síðan ég bloggaði síðast enda hefur verið mikið að gera. Lokaritgerð búin, próf búin og þannig er búið mitt kennaranám og verður útskrift þann 11. júní.
Ég er einnig komin með vinnu næsta haust við sérdeildina í Síðuskóla þar sem ég verð með nemendur sem eru einhverfir eða á eftir í námi en geta verið inni í bekk. Annars var ég farin að halda að ég fengi ekki vinnu hér í bænum.
Eins er ég búin að vera að undirbúa brúðkaup en fyrir þá sem ekki vita þá vafðist ofan af hnútnum sem var á tungunni á Sidda á nýársdag og bað hann mín loksins eftir margra ára bið. Athöfnin verður á sjómannadag og getið þið einhver sem lesið þessa síðu átt von á boðskorti í næstu viku vonandi (ef pósturinn skilar sínu starfi almennilega).
Nýlega fór ég í heimsókn til mömmu á Grenivík (það er eins og ég sé alltaf þar) og einnig skrapp ég til Brynju systir og söng þá í fyrsta skipti í sing star. Ég stóð mig nú ágætlega þó ég var drullukvefuð og verður gaman að sjá hvort ég nái ekki að bæta mig eitthvað í þessu en þetta er þrælskemmtilegt. Það sem helst skyggði á er að einu lögin þar sem ég fékk fleiri stig en Brynja voru lög með Spice Girls og George Michael (ég vona að þetta segi ekki mikið um hvaða tónlist ég hlusta á).
Siddi er kominn og farinn aftur en hann kemur í land daginn fyrir brúðkaupið en sem betur fer var hann svo duglegur í síðustu inniveru að það eina sem ég þarf að gera fyrir brúðkaupið er að sækja hluti og ganga frá, hann sá um að panta allt saman. Hann fer svo sem betur fer í frítúr eftir sjómannadaginn og ætlum við þá að slappa af í sumarbústað og fara svo á ættarmót.

Fyrir þá sem ekki vita lést hún amma mín Hulda Laufey Davíðsdóttir þann 19. apríl síðastliðin og þar sem ég var þá að leggja lokahönd á lokaritgerð mína var tilvalið að ég myndi tileinka hana minningu ömmu og var það samþykkt af leiðsagnarkennara mínum.

Well that´s all for now ég þarf að laga aðeins til þar sem ég bauð nánast allri fjölskyldunni í mat í kvöld.

Á bólakafi

Jæja nú er ég nýkomin frá Grenivík þar sem ég var til að sökkva mér í vinnu við lokaritgerð. Það gekk bara nokkuð vel að gleyma sér í vinnu en veðrið var allt of gott til að hanga inni allan daginn þannig að af og til fór ég með mömmu í göngutúr.

Siddi fór á sjó þó Sléttbakur hafi verið seldur en hann fór að systurskipið sem heitir Þór og er frá Hafnarfirði (það skemmir ekki nafnið á skipinu). Þannig að ég þarf ekki að hafa áhyggjur á að ég vanræki hann því hann kemur örugglega ekki heim fyrr en lokaritgerð hefur verið skilað. Ég þarf þá bara að hafa áhyggjur á að ég sé að vanrækja börnin.

Það þarf varla að fara fleiri orðum um veðurblíðuna sem hefur verið um páskana en það var jafnvel glæsilegt veður á Grenivík svo þið sem hafið mest haft út á Grenivík að setja sjáið að veður getur líka verið gott þar það er varla hægt að tala um að það hafi verið hafgola.

Jæja ég ætla að slappa af í kvöld og góna á sjónvarpið.

Ekkert gerist

Halló halló

Ég veit að ég hef ekkert bloggað í mánuð og aðalástæðan fyrir því er að ég hef ekkert að segja. Eldhúsið er orðið fínt þ.e. búið í extreme makeover.

Lokaritgerðarsmíð gengur svona la la.

Siddi fór aftur á sjó áðan og í þetta skipti á Árbak þannig að hann verður ekki lengi úti núna en svo fer hann eflaust aftur á Sléttbak því hann er víst ekki seldur enn.

Jæja ekkert meira í bili, þið verðið að fara að segja mér eitthvað skemmtilegt svo ég geti talað um eitthvað.